September 29, 2020
समाचार

प्रिमियर इन्टरनेशनले लकडाउनमा अनलाईन शैक्षिक कार्यलाई निरन्तरता दिँदै

प्रिमियर  इन्टरनेशनले  लकडाउनमा अनलाईन शैक्षिक कार्यलाई निरन्तरता दिँदै

प्रिमियर एजुकेशन नेटवर्क अन्र्तगत सञ्चालित ललितपुरको खुमलटारमा स्थित प्रिमियर इन्टरनेशनल स्कुल शैक्षिक क्षेत्रको एक अग्रणी शैक्षिक संस्था हो । यस स्कुलको मूख्य उद्देश्य भनेको अन्तराष्द्रिय स्तरको गुणस्तरीय र व्यावहारिक शिक्षा प्रदान गर्नु हो । कोभिड १९ का कारण देश पुर्ण रुपमा लकडाउनमा रहेको अवस्थामा, समेत आजको प्रविधिको आधुनिक युगमा विद्यार्थीहरुले पठन–पाठन गर्ने कार्यलाई निरन्तरता प्रदान गर्न अनलाईन कक्षालाई निरन्तरता दिन आवश्यक गृहकार्यमा जुटेकोे छ ।

नयाँ शैक्षिक वर्ष २०७७ लाई थप प्रभावकारी वनाउनका लागि र विद्यार्थीको सिकाईलाई  सरलता र सहजता प्रदान गर्ने उद्देश्य साथ विगतका वर्षहरुमा जस्तै यस वर्ष पनि अनलाईन मार्फत हरेक दिन विहान ९ वजेदेखी ३ बजेसम्म ५० जनाभन्दा बढी शिक्षक–शिक्षिकाहरुलाई तालिम प्रदान गर्ने कार्यलाई अनलाइन मार्फत वैशाख २ गतेदेखी नै निरन्तरता दिइरहेको छ  । यो कार्य १५ दिनसम्म चल्ने जानकारी प्राप्तभएको  छ । यसका लागि शिक्षक–शिक्षिकाहरुलाई विभिन्न समूह र उपसमूहमा विभाजन गरिएको छ । यसले एउटा ठुलो समुहमा गएर काम गर्नु भन्दा सानो र सबै विषय समेटने समूह बनाउँदा अझ प्रभावकारी हुन्छ भन्ने कुरालाई प्रमाणित गरेको छ ।  

लकडाउन कहिलेसम्म लम्बिन्छ भन्ने निश्चित नभएकाले र लकडाउन अवधीभर, लकडाउन पश्चात समेत अनलाइन कक्षालाई कसरी थपव्यवस्थित र प्रभावकारी रुपमा सञ्चालन गर्ने भन्ने बारेमा आवश्यक छलफल गर्नुका साथै दैनिक कार्य योजनाहरु निर्माण गर्ने कार्य यो तालिम अवधीमा भइरहेको छ । विद्यालयको वार्षिक शैक्षिक कार्य योजना निर्माण गर्नुका साथै विद्यालयले सञ्चालन गर्ने विभिन्न कार्यक्रमका बारेमा योजन बनाउने कार्यमा शिक्षक–शिक्षिकाहरु व्यस्त रहेका छन् । साथै यस तालिम अवधीभर स्कुलको उद्देश्य र लक्ष्य तथा अध्यापनका नयाँ र प्रभावकारी शैलीका बारेमा पनि सिकाइ तथा अभ्यास भएको विद्यालयकी शैक्षिक निर्देशक प्रविना थापाले जनाउनुभएको छ ।  

विद्यालयमा प्रत्यक्ष उपस्थित हुन नपाउँदाको समयमा  घरमै बसेर लिइने तालिम पनि   उत्तिकै उपयोगी हुनुका साथै लकडाउनले दिने मानसिक तनावबाट मुक्त हुन पनि पर्याप्त सहयोग पुगेको शिक्षक निरोज महर्जनको बुझाइ रहेको छ । विद्यालयको यो कार्यले गर्दा लकडाउनपछि विद्यालय शुरु हुँदा विद्यार्थीहरुलाई फरक परिस्थितिको सामना गर्नु नपर्ने र सरल ढङ्गले शिक्षण सिकाइ क्रियाकलाप अगाडी बढ्ने कुरामा विश्वस्त रहने कुरा विद्यालयले जोड दिएको छ । यो विद्यालयका लागि अनलाईन कक्षा संञ्चालन नयाँ कार्य नभइ २०७२ को भुँइचालो जाँदा देखिकै निरन्तरता रहेको विद्यालय निर्देशक पवित्रा लिम्बुले जनाउनुभयो । 

नेपाल सरकारले चैत्र ५ गते देखी विद्यालयहरु बन्द गरेता पनि शैक्षिक सत्र २०७६ को शैक्षिक पात्रोलाई पूर्णता प्रदान गर्नका लागि अनलाइन मार्फत चैत्र २१ गतेसम्म कक्षा सञ्चालन गरेको र त्यसपछि मनोवैज्ञानिक र सिर्जनात्मक क्षमता वृद्धि गर्ने उद्देश्यले दैनिक १ घण्टा कक्षा सञ्चालनगरि त्यसलाई स्कुलको Facebook / Instagram जस्ता सामाजिक सञ्जालमार्फत सार्वजनिक गरिरहेको छ । जसले गर्दा प्रिमियर स्कुल भन्दा बाहिरका विद्यार्थीहरुमा समेत केही नयाँ कार्य गरौँ भन्ने मनोभावना जगाएको छ । विद्यार्थीहरु घर रहँदा समेत केही न केही सिर्जनात्मक कार्यमा संलग्न भएकोे विद्यालयले संञ्चालन गरेका क्रियाकलापहरु प्रभावकारी भएको उनीहरुका अभिभावकहरुले विभिन्न माध्यमबाट विद्यालयमा जानकारी गराएको साथै स्कुलप्रति आभार रहेको विचार समेत प्रदान गरेको बुझिन आएको छ ।

हाल विद्यालयले  शिक्षक तालिमका लागि विभिन्न अनलाईन एप्सहरुलाई प्रयोगमा ल्याएको र आगामी दिनहरुमा समेत अन्य नयाँ प्रविधिको प्रयोग गर्ने लक्ष्य रहेको प्रधानाध्यापक शिरिष श्रेष्ठले बताउनुभएको छ । यिनै एप्सहरु मार्फत वैशाख ११ गते देखी विद्यार्थीहरुका लागि नयाँ शैक्षिक सत्र २०७७ अन्तर्गत अनलाइन कक्षा सञ्चालन गर्ने र सोका लागि सम्पुर्ण तयारी अन्तिम अवस्थामा पुगेको समेत जानकारी दिनुभएकोे छ । विद्यालयले विगत देखि नै अनलाईन कक्षा सफलता पुर्वक सञ्चालन गरेको हुदाँ यस विद्यालयका शिक्षक शिक्षिकाहरु अनलाईन कक्षा संञ्चालनका लागिअब्वल सावित भैसकेको र विद्यार्थीहरुमा समेत अनलाईन मार्फत पठन–पाठन गर्ने बानि परिसकेकाले अनलाईनको पठन पाठनलाई सामान्य, स्वाभाविक र नियमित कार्यका रुपमा लिएको र लिने कुरा समेत विद्यालयका शैक्षिक निर्देशक थापाले जानकारी गराउनु भयो  ।

0 Comments

Leave a comment